ഇന്‍റ്റര്‍വ്യൂ !!!
പഠിച്ച പണി പതിനെട്ടും പയറ്റി ഒടുവില്‍ ഒരു ഇന്‍റ്റര്‍വ്യൂ ഒത്തുവന്നു. പൂരത്തിന് പോകുന്നതുപോലെ എല്ലാവരും സംഘം ചേര്‍ന്ന് ബാഗ്ലൂര്‍ക്ക് യാത്ര തിരിച്ചു . രാവിലെ കുളിച്ചു ഫ്രഷ്‌ ആയി വീട്ടില്‍നിന്നു ഇസ്തിരിയിട്ട ചുളിഞ്ഞ ഷര്‍ട്ട്‌ ഒക്കെ പാടുപെട്ടു വലിച്ചു നിവര്‍ത്തി വീണ്ടും വെടിപ്പാക്കി ഇന്‍ ചെയ്തു ഞങ്ങള്‍ ആ ജോലി ലകഷ്യമാക്കി നടന്നു, ഇന്ദിര നഗര്‍ ആണ് മനസ്സില്‍ ലക്‌ഷ്യം, ജോലിയാണ് മറ്റൊരു ലക്‌ഷ്യം.
"ഡാ ഈ ജോലി നമുക്കു തന്നെ തീര്‍ച്ച" കൂട് ഉള്ള ഒരു "ഓവര്‍ കോണ്‍ഫിടന്റ്റ് " ആശ്വസിച്ചു. കഷ്ട്ടപെട്ടാലെ ജോലി കിട്ടു എന്ന് മറ്റൊരു മാന്യന്‍ , അതുകൊണ്ട് രാവിലെ ബ്രേക്ക് ഫാസ്റ്റ് കഴിക്കാതെ ഒരു ഓട്ടോ പോലും പിടിക്കാതെ ,ഞങ്ങള്‍ ലക്ഷ്യത്തിലേക്ക് നീങ്ങി കഴുത ശബരിമല കേറുന്നത് പോലെ . കൂടെയുള്ള ഒരു വിദ്വാന്‍റെ സുഹൃത്ത് വഴിയാണ് ഈ ഇന്‍റ്റര്‍വ്യൂ വന്നു പെട്ടത്. കുറച്ചു നടന്നു കഴിഞ്ഞപ്പോള്‍ അവന്‍ വിളിച്ചു .. "എടാ അവര്‍ 60 രൂപ ചോദിക്കുന്നുണ്ട്", ഇന്റര്‍വ്യൂ അറ്റന്‍ഡ് ചെയ്യാന്‍ അറുപതു രൂപ??? ഇന്‍റ്റര്‍വ്യൂ ബോര്‍ഡിനെ ശപിച്ചു കൊണ്ടു ഞങ്ങള്‍ നീങ്ങി.
പോയാലും അറുപതു രൂപയല്ലേ , ഇത്രവരെ വന്നതല്ലേ അറ്റന്‍ഡ് ചെയ്യാം, 60 രൂപ ചില്ലറ കരുതാം എന്ന് വച്ചു ജ്യൂസ്‌ ഒക്കെ കുടിച്ചു കറക്റ്റ് 60 രൂപ പോക്കറ്റില്‍ കയ്യെത്തുന്നിടത് തിരുകിവച്ചു... അവിടെ എത്തിയപ്പോള്‍ ഇന്‍റ്റര്‍വ്യൂ ചെയ്യുന്ന കക്ഷി ചോദിച്ചു , "സൊ യു നോ എബൌട്ട് ദ കണ്ടിഷന്‍സ്???",,, ഞങ്ങള്‍ നാല്പേരും കാളകളെ പോലെ തലയാട്ടി... "യ , യെസ്‌ , യോ, യ "... എന്നിട്ട് റെസ്യുമെടുത്തു ഉള്ളിലോട്ടു കേറി ...
അവിടെ അതാ ഇരിക്കുന്നു "കനക സിംഹാസനത്തില്‍ കയറിയിരിക്കും ഇവന്‍ ശുനകനോ "... പാട്ടു മനസ്സില്‍ കയറി വന്നു... നെയ്യില്‍ പൊരിച്ച പുതിയ ലുയി ഫിലിപ് ഷര്‍ട്ട്‌ ഇട്ട ഒരു ബോറന്‍, തനി "കാട്ടുമാക്കാന്‍" ... അവന്‍ നാല് പേരെയും ഒരുമിച്ചു ആ കുടുസു മുറിയില്‍ കയറ്റി ... ചോദ്യങ്ങള്‍ തുടങ്ങി....എന്തൊക്കെയോ കുത്തികുറിച്ചു ,,,എല്ലാം കഴിഞ്ഞു അവന്‍ കണ്ടീഷന്‍ എഴുന്നള്ളിച്ചു ... "വി നീഡ് സിക്സ്റ്റി തൌസന്റ്റ് ടെപോസിറ്റ്"..... എന്‍റെ കണ്ണില്‍ നിന്നും കുറെ മഞ്ഞക്കിളി പാറി... കീശയിലെ അറുപതു രൂപ ഞങ്ങളെ നോക്കി ചിരിച്ചു... ഉത്തരം പറയാതെ ഞങ്ങള്‍ എഴുന്നേറ്റു ... ഞാന്‍ പോകുന്ന വഴി വീണ്ടും റൂമില്‍ കയറി നമ്മുടെ കാട്ടുമാക്കാനെ നോക്കി പറഞ്ഞു " ഐ ഹാവ് വണ്‍ മോര്‍ ഇന്റര്‍വ്യൂ റ്റു അറ്റന്‍ഡ്, ഗിവ് മി ദാറ്റ് റെസ്യുമെ ബാക്ക് പ്ലീസ്..."
ഇലനക്കി പട്ടിയുടെ ചിറിനക്കി പട്ടികള്‍ .....
9 comments:
kindly do the proper spacing
this is unable to read well
the first post is ok
wish u a merry xmas
Thanks...I'll edit it :)
good one
Mahesh superb yaar..
This is also good!!! come again in blore....u wil get more stories to write again.This recession has given birth to writers of new era..like u Mahesh
its good... keep writing...
good..
as I am also a part of the incident depicted, I enjoyed reading it..Wonderful..!!!!
Great!
oru aararupathil thirichu nadannu alle...
Post a Comment