ഇത്ര നാളും ബാഗും തൂക്കി കോളേജില്‍ പോകുമ്പോള്‍ ഒരുത്തനേയും പേടിക്കേണ്ടായിരുന്നു. എല്ലാ ദിവസവും ഓണ്‍ലൈനില്‍ പുതിയ ക്യാപ്ഷന്‍ സെറ്റ് ചെയ്തു ചാറ്റ് ചെയ്യാമായിരുന്നു ആരെങ്കിലും ചോദിച്ചാല്‍ "പ്രൊജക്റ്റ്‌" , "വൈവ", "എം സീ എ" എന്നൊക്കെ കാച്ചി വിടാമായിരുന്നു. ഇപ്പോള്‍ പുറത്തിറങ്ങാന്‍ സുര്യ ഭഗവാന്‍ കനിയണം, രാത്രി പുറത്തിറങ്ങിയാല്‍ ആരും തിരിച്ചറിയില്ല ഇത്ര നാളും വൈദ്യുതി മന്ത്രിയെ തെറി വിളിച്ചതും ശപിച്ചതിനും ഞാന്‍ പരിതപിക്കുന്നു. ഇപ്പോളാണ് പവര്‍ കട്ട് ഒരു അനുഗ്രഹം ആയതു. രാത്രി കിട്ടുന്ന അര മണിക്കൂര്‍ പവര്‍ കട്ട് കാരണം ഒന്നു പുറത്തിറങ്ങി ശുദ്ധ വായു ശ്വസിക്കാം എന്നായി, പവര്‍ കട്ട് ഒരു മണിക്കൂര്‍ ആക്കിയെങ്ങില്‍ നന്നായിരുന്നു എന്ന് തോന്നുന്നു.
അമ്പലത്തില്‍ പോയി പ്രാര്‍ത്ഥിക്കാം എന്ന് കരുതിയാല്‍ അവിടെയും കാണും ചില കഴുകന്‍മാര്‍. എം സീ എ ക്കാരെയും ബി ടെക് കാരെയും കുറിച്ചു അറിയാനാണ് ഇവറ്റകള്‍ അമ്പലം കേറി നിരങ്ങുനതെന്ന് തോന്നും. സോപാനത്തില്‍ കണ്ണടച്ച് നിന്നാല്‍ ഇവറ്റകള്‍ പോകും എന്ന് കരുതി കുറെ നേരം അങ്ങനെ നില്ക്കും, കാലൊച്ച ഇല്ലെന്നുരപ്പാക്കിയാണ് കണ്ണ് തുറക്കുന്നത്, എന്നാലും അവിടെ എവിടെയെങ്കിലും ചുറ്റി പറ്റി നില്ക്കും ഒരു വളിച്ച ചിരിയുshrമായ് "എന്താ പ്രൊജക്റ്റ്‌ കഴിഞ്ഞോ ജോലി ആയോ "... കേട്ടാല്‍ തോന്നും ഇവന്‍മാര്‍ പിടിച്ചു
ജോലി തരാന്‍ ആണ് ചോദിക്കുന്നതെന്ന് ..അലവലാതികള്‍ (ക്ഷമിക്കണം വേദന കൊണ്ടു വിളിച്ചതാണ് ).
പുറത്തിറങ്ങാതെ ഓണ്‍ലൈനില്‍ പോയാല്‍ അവിടെയും കാണും ചില എമ്പോക്കികള്‍ ..... സ്വന്തം ജോലി നഷ്ട്ടപെട്ട ടീം ആകും കക്ഷികള്‍, എന്നാലും "മകന്‍ ചത്താലും മരുമകളുടെ കണ്ണീര്‍ കാണണം " മോഡല്‍ ടീം ആണ്. ജി - ടോക്കില്‍ ഇന്‍-വിസിബിള്‍ മോഡ് ഉള്ളത് കൊണ്ടു ഇങ്ങനെ തട്ടിമുട്ടിപ്പോകുന്നു.
മഴാക്കാര്‍ കണ്ടു ഓവില്‍ തൂറിയ പോലെ ആയി കാര്യങ്ങള്‍. ഐ ടി മേഖലയില്‍ ശമ്പളം കണ്ടാണ്‌ ലോണ്‍ എടുത്തു എം സീ എ ക്ക് ചേര്‍ന്നത്‌ ...ഇപ്പോള്‍ മഴ കാറ്റു കൊണ്ടു പൊയ്...
ഇപ്പോള്‍ ആരെങ്കിലും ജോലിയെ പറ്റി ചോദിച്ചാല്‍ ഒരു ഉത്തരം ആണ് നല്‍കാറ് "ജോലി ആയാല്‍ അറിയിക്കാം "
6 comments:
Too good man , better than the former , that "invisible mode rescue" ha ha its the best .. Raaajaave go on buddy.. !!!
hehe..jwoli kittiyal ariyikkan marakkanda..
kashttam
hahhaa..good 1..liked the ambalam part..hope they all read it :p:p
:D YOu are good at almost everything!!;)
appo mothathil jwaaliyayi..!! :D
Post a Comment